Një Skuadër e Besueshme – Stafi dhe Vullnetarët Tanë

Skuadra jonë përbëhet nga profesionistë dhe vullnetarë të përkushtuar, të cilët janë të trajnuar dhe të verifikuar për t'u siguruar që fëmijët të kenë një përvojë të sigurt dhe të mbështetur. Çdo fëmijë ka një udhëheqës grupi që e shoqëron gjatë gjithë aktiviteteve të përditshme dhe është pika e parë e kontaktit për çdo nevojë.

Rolet kryesorë përfshijnë:

• Koordinator Kampi – Përgjegjës për sigurinë, koordinimin dhe udhëheqjen e ekipit të kampit. Ai/ajo siguron që çdo aspekt i kampit të funksionojë pa probleme dhe është përgjegjës për sigurinë dhe mirëqenien e fëmijëve dhe stafit.
• Udhëheqës Aktivitetesh – Planifikojnë dhe udhëhoqen aktivitete të ndryshme si lojëra, sporte, artizanale dhe workshop-e krijuese. Ata sigurojnë që fëmijët të angazhohen dhe të shprehin veten në aktivitete të ndryshme.
• Udhëheqës Grupi – Shërbejnë si kujdestarë për grupe të vogla fëmijësh dhe janë përgjegjës për shoqërimin dhe mbikëqyrjen e fëmijëve gjatë gjithë ditës, duke siguruar lidhje të forta dhe siguri për secilin fëmijë.
• Vullnetarët – Ndihmojnë udhëheqësit e aktiviteteve dhe grupit, shoqërojnë fëmijët gjatë aktiviteteve dhe sigurojnë një atmosferë mikpritëse dhe mbështetëse. Ata janë gjithashtu të pranishëm për të ndihmuar në logjistikë dhe organizim.
• Stafi Mbështetës – Sigurojnë mbështetje logjistike, përfshirë pastrimin, gatimin dhe mirëmbajtjen e ambienteve të kampit. Ata janë të angazhuar në detyrat e përditshme që mundësojnë një qëndrim të sigurt dhe të rehatshëm.
• Stafi i Ndihmës së Shpejtë dhe Mirëqenies – Stafi i ndihmës së shpejtë është i trajnuar për të reaguar ndaj emergjencave shëndetësore dhe emocionale. Ata janë gjithashtu të aftë për të menaxhuar ndihmën e shpejtë në rastet e aksidenteve ose situatave të tjera kritike.

Raporti i Mbikëqyrjes në Kamp

Për të siguruar që çdo fëmijë të ndjehet i sigurt dhe të ketë një përvojë pozitive, ne mbajmë një raport mbikëqyrjeje që përfshin:

• 1 i rritur për çdo 8 deri në 10 fëmijë, në varësi të grupmoshës dhe nevojave të fëmijëve
• Çdo grup ka një udhëheqës që është përgjegjës për sigurinë dhe mirëqenien e fëmijëve gjatë gjithë kohës që janë në kamp
• Vullnetarët dhe stafi mbështetës ndihmojnë në menaxhimin e aktiviteteve, kalimet nga një aktivitet në tjetrin.

Qasja Jonë ndaj Aktiviteteve Shpirtërore

Në Eden Park, ne e kuptojmë se udhëtimi në besim është një përvojë personale dhe se çdo fëmijë ka besimet dhe përvojat e tij unike. Qasja jonë ndaj këtij udhëtimi është e bazuar në respekt, zgjedhje dhe hapësirë për shprehje të lirë. Ne angazhohemi për të krijuar një mjedis ku fëmijët mund të eksplorojnë besimin, duke u respektuar për besimet dhe përvojat e tyre individuale.

Qasja jonë përfshin:

• Respekt për Diversitetin dhe Besimet: Ne nderojmë dhe respektojmë pasurinë e grupeve dhe besimeve të çdo fëmije, dukepranuar se besimi eshte çështje të thella dhe personale. Edhe pse tregimet biblike janë një pjesë kyçe e aktiviteteve shpirtërore, ne i paraqesim ato në një mënyrë gjithëpërfshirëse dhe respektuese ndaj të gjitha besimeve.
• Pa Detyrim: Aktivitetet shpirtërore, përfshirë lutjen dhe adhurimin, janë mundësi dhe jo detyrime. Fëmijët inkurajohen të shprehin mendimet dhe besimet e tyre dhe janë të lirë të vendosin nëse do të marrin pjesë aktivisht në çdo aktivitet. Ne respektojmë çdo vendim të fëmijës dhe sigurojmë që pjesëmarrja është pa asnjë formë presioni.
• Hapësirë e Sigurt për Eksplorim: Krijojmë një ambient të hapur dhe të sigurt ku fëmijët mund të bëjnë pyetje, të eksplorojnë besimin e tyre dhe të diskutojnë tema shpirtërore me të rritur që janë të gatshëm t’i dëgjojnë pa gjykim.

Ushqimi

Koha e ushqimit është një pjesë e rëndësishme e përvojës në kamp — jo vetëm për ushqyerjen, por gjithashtu për ndihmën në forcimin e komunitetit dhe krijimin e një ndjenje sigurie. Në Eden Park, ne sigurojmë që ushqimi të jetë i sigurt, i shëndetshëm dhe kulturorisht i ndjeshëm.

Qasja jonë përfshin:

• Vakte të balancuara, të përgatitura nga stafi i kuzhinës së trajnuar, me theks në përbërës të freskët dhe ushqime të shëndetshme.
• Tre vakte kryesore dhe një snack ditor, të shërbyera në orare të rregullta për të mbështetur rutinën dhe ndihmuar në rregullimin e fëmijëve.
• Mjedis i ndarë gjatë vakteve, me udhëheqësit e grupeve të pranishëm për të krijuar një atmosferë relaksuese dhe të respektueshme.
• Marrim parasysh alergjitë ushqimore, intolerancat dhe nevojat dietike, të cilat duhet të komunikohen paraprakisht.
• Inkurajimi i fëmijëve për të provuar ushqime të reja, pa i detyruar ata. 

Angazhimi Ynë për Mbrojtjen e Fëmijëve

Ne angazhohemi për të krijuar një mjedis të sigurt, të respektueshëm dhe që fuqizon çdo fëmijë. Politika jonë e Mbrojtjes së Fëmijëve bazohet në praktikat më të mira ndërkombëtare dhe përfshin këto parime themelore:

• Çdo fëmijë ka të drejtën të ndjehet i sigurt, të respektohet dhe të dëgjohet.

• Të rriturit nuk do të lejohen të jenë vetëm me një fëmijë në një hapësirë private.

• Disiplina fizike, të bërtitura ose përdorimi i gjuhës poshtëruese janë rreptësisht të ndaluara.

• Fëmijët do të mbështeten përmes qasjeve pozitive dhe jo ndëshkuese të disiplinës.

• Ekziston një sistem i sigurt për raportimin e çdo shqetësimi ose ngjarje që mund të ndodhin.

Eden Park: Accommodation

Eden Park: Venues

Eden Park: Activities